പുല്‍പ്പള്ളി: ബിവറേജസ് പുല്‍പ്പള്ളി ബിവറേജസ് ഔട്ടലെറ്റിനു മുന്നില്‍ കാലി മദ്യക്കുപ്പികള്‍ ചാക്കില്‍കെട്ടി കൂട്ടിയിട്ടത് ജനങ്ങള്‍ക്ക് ദുരിതമാകുന്നു. ഔട്ട്‌ലെറ്റില്‍നിന്നടക്കം നീക്കം ചെയ്ത മദ്യക്കുപ്പികളാണ് ഇവ. ചാക്കില്‍ കെട്ടി സൂക്ഷിച്ചിരിക്കുന്ന കുപ്പികള്‍ വാഹനങ്ങളും മറ്റും കയറിയിറങ്ങി പൊട്ടിച്ചിതറി റോഡരികിലും മറ്റും കിടക്കുകയാണ്.ഈ അടുത്ത് ഇവിടുത്തെ റോഡ് ടാറിങ് പ്രവൃത്തി നടത്തിയപ്പോള്‍ പാതയോരത്ത് കിടന്നിരുന്ന മദ്യക്കുപ്പികള്‍ എല്ലാം ഒരു വശത്തേക്ക് മാറ്റിയിട്ടു. ബിവറേജസ് ഔട്ട്‌ലെറ്റ് തുറന്നത്തോടെ ഈ ഭാഗത്ത് ആള്‍ തിരക്കേറി.വാഹനങ്ങള്‍ ഇരു ഭാഗങ്ങളിലും നിര്‍ത്തിയിടുന്നു.ഇതോടെ കുപ്പികള്‍ പൊട്ടി തുടങ്ങി ഇത് അപകടങ്ങള്‍ക്കു കാരണമാകുമെന്ന് പരിസരവാസികള്‍ പറയുന്നു. ഇതു സംബന്ധിച്ച് അധികൃതര്‍ക്ക് പരാതി നല്‍കിയിട്ടും കുപ്പികള്‍ നീക്കാത്തത് പ്രതിഷേധത്തിന് ഇടയാക്കിയിട്ടുണ്ട്.
