സംസ്ഥാനത്ത് നാളെ മുതല്‍ ലോട്ടറി വില്‍പന ആരംഭിക്കും. ജൂണ്‍ ആദ്യം നറുക്കെടുപ്പ് നടത്തും. കോവിഡ് വ്യാപനം കണക്കിലെടുത്ത് ലോക്ക്ഡൌണിന് മുമ്പ് തന്നെ സംസ്ഥാനത്ത് ലോട്ടറി വില്‍പന നിരോധിച്ചിരുന്നു. നാളെ മുതല്‍ വീണ്ടും ലോട്ടറി വില്‍ക്കാന്‍ സര്‍ക്കാര്‍ അനുമതി നല്‍കി. ധനമന്ത്രി ലോട്ടറി ഏജന്‍റുമാരുമായി നടത്തിയ ചര്‍ച്ചക്ക് ശേഷമാണ് തീരുമാനം. ഒരു നറുക്കെടുപ്പും റദ്ദാക്കില്ല. എട്ട് ലോട്ടറികളുടെയും നറുക്കെടുപ്പ് ജൂൺ ആദ്യം മുതൽ നടത്തും.
