ജില്ലാ സാക്ഷരതാ മിഷന്‍ സംഘടിപ്പിച്ച പരിസ്ഥിതി സെമിനാറിന്റെ സമാപന സമ്മേളനം സബ്കലക്ടര്‍ എന്‍.എസ്.കെ ഉമേഷ് ഉദ്ഘാടനം ചെയ്തു. വൈത്തിരി ഗ്രാമ പഞ്ചായത്ത് പ്രസിഡണ്ട് വി.ഉഷാകുമാരി അധ്യക്ഷത വഹിച്ചു. മുന്‍ ഗവ.സെക്രട്ടറി ജി.ബാലഗോപാല്‍, സ്വാമിനാഥന്‍ ഗവേഷണ നിലയം ഡയറക്ടര്‍ ഡോ.വി.ബാലകൃഷ്ണന്‍, ജനപ്രതിനിധികളായ ഒ.എ.സഫിയ, ഷൈനി ഉദയകുമാര്‍ എന്നിവര്‍ പ്രസംഗിച്ചു. സാക്ഷരതാ മിഷന്‍ ജില്ലാകോ-ഓര്‍ഡിനേറ്റര്‍ സി.കെ.പ്രദീപ്കുമാര്‍ സ്വാഗതവും അസി. കോ-ഓര്‍ഡിനേറ്റര്‍ പി.എന്‍.ബാബു നന്ദിയും പറഞ്ഞു.
