അമ്പലവയല്‍ നെല്ലാറച്ചാല്‍ വെള്ളക്കെട്ടില്‍ ചാടി രക്ഷപ്പെടാന്‍ ശ്രമിച്ച പീഡനക്കേസ് പ്രതിയെ പോലീസും നാട്ടുകാരും ചേര്‍ന്ന് പിടികൂടി. അമ്പലവയലിലെ റിസോര്‍ട്ടില്‍ 5 ദിവസമായി ഒളിവില്‍ കഴിയുകയായിരുന്ന മലപ്പുറം തിരൂര്‍ സ്റ്റേഷനിലെ പീഡനക്കേസ് പ്രതി കൊടിയത്ത് നഹീം ആണ് പിടിയിലായത്.അഞ്ചു ദിവസമായി അമ്പലവയലിലെ റിസോര്‍ട്ടില്‍ ഒളിവില്‍ കഴിയുകയായിരുന്ന നഹിം തിരൂര്‍ സി ഐ അര്‍ഷാദിന്റെ നേതൃത്വത്തില്‍ പോലീസ് സംഘം പരിശോധന്ക്ക് എത്തുന്ന രഹസ്യ വിവരം അറിഞ്ഞ് റിസോര്‍ട്ടില്‍ നിന്നും പുറത്തേക്ക് ഓടി .കാരാപ്പുഴ ഡാമിന്റെ നെല്ലറച്ചാല്‍ വെള്ളക്കെട്ടില്‍ ചാടി രക്ഷപ്പെടാന്‍ ശ്രമിക്കുകയായിരുന്നു. ഇതിനകം സ്ഥലത്തെത്തി അമ്പലവയല്‍ പോലീസും തിരൂര്‍ പോലീസ് സംഘവും നാട്ടുകാരും ചേര്‍ന്ന് വെള്ളക്കെട്ടില്‍ നിന്ന് നഹിമിനെ സാഹസികമായി പിടികൂടി.
