മൈസൂരില്‍ നിന്ന് സ്വര്‍ണ്ണം വിറ്റ പണവുമായി കാറില്‍ വരുകയായിരുന്ന വെങ്ങപ്പള്ളി സ്വദേശികളെയാണ് മീനങ്ങാടി കുട്ടിരായീന്‍ പാലത്തിന് സമീപം വെച്ച് മറ്റൊരു കാറിലെത്തിയ സംഘം വാഹനമിടിച്ച് പണം കവരാന്‍ ശ്രമിച്ചത്.തൃശ്ശൂര്‍ സ്വദേശികളായ സജിത്ത്(38),നിഷാദ്(27) വിഷ്ണു,സലീം അബ്ദുള്ള (27),വിപിന്‍(അപ്പൂസ്26),വിപിന്‍(26),ജിജോഷ്(42),റിജോ(30),ദിലി(27),രാഹുല്‍(28),നിതീഷ്(29),അഭിലാഷ്(32),സായൂജ്(28)സുധാകരന്‍(39) എന്നിവരെയാണ് അറസ്റ്റ് ചെയ്തത്.കേസില്‍ കൂടുതല്‍ പ്രതികളുടെ അറസ്റ്റ് അടുത്ത ദിവസങ്ങളില്‍ ഉണ്ടാകുമെന്ന് ജില്ലാ പോലീസ് മേധാവി അറിയിച്ചു.തൃശ്ശൂര്‍ ജില്ലയിലും മറ്റും സമാനമായി നിരവധി കേസുകളില്‍ പ്രതികളാണ് പിടിയിലായവര്‍.പ്രതികളെ ഇന്ന് കോടതിയില്‍ ഹാജരാക്കും.മീനങ്ങാടി സിഐ അബ്ദുല്‍ ശരീഫും സംഘവും വൈത്തിരി എസ്ഐ ജിതേഷും സംഘവും വിവിധയിടങ്ങളില്‍ നിന്നാണ് പ്രതികളെ പിടികൂടിയത്.
