അന്താരാഷ്ട്ര മുട്ടദിനാചരണ ഭാഗമായി കല്‍പ്പറ്റ വിജയാ പമ്പ് പരിസരത്ത് വെച്ച് സെമിനാറും വിപണനമേളയും നടത്തി.മുട്ട കഴിക്കുന്നതിലുള്ള അബദ്ധ ധാരണകള്‍ തിരുത്തുന്നതിനും പൊതു സമൂഹത്തെ ബോധവത്കരിക്കുന്നതിന് വേണ്ടി കേരള മൃഗ സംരക്ഷണ വകുപ്പ്, ഇന്ത്യന്‍ വെറ്റിനറി അസോസിയേഷന്‍, ജില്ലാകുടുംബശ്രീ മിഷന്‍, വയനാട് എഗ്ഗര്‍ നഴ്സറി, മൂപ്പൈനാട് പഞ്ചായത്ത് എന്നിവരുടെ സംയുക്താഭിമുഖ്യത്തിലാണ് പരിപാടി സംഘടിപ്പിച്ചത്. മുനിസിപ്പാലിറ്റി ചെയര്‍പേഴ്‌സണ്‍ സനിത ജഗദീഷ് പരിപാടി ഉദ്ഘാടനം ചെയ്തു. കല്‍പ്പറ്റ ബ്ലോക്ക് പഞ്ചായത്ത് പ്രസിഡന്റ് ഉഷ തമ്പി അധ്യക്ഷത വഹിച്ചു.
