പുല്‍പ്പള്ളി ഓര്‍ക്കടവില്‍ വീട്ടുമുറ്റത്ത് കിടന്ന കാറിനു നേരെ കാട്ടാനയുടെ ആക്രമണം. ഇന്നലെ വൈകീട്ട് ഓര്‍ക്കടവ് ചെറുക്കുന്നേല്‍ സുഭാഷിന്റെ വീട്ടുമുറ്റത്ത് നിര്‍ത്തിയിട്ടിരുന്ന ഒമിനി വാനിന് നേരെയാണ് ആക്രമണം ഉണ്ടായത്. ആനയുടെ ശബ്ദം കേട്ട് വീടിന് പുറത്തിറങ്ങി നോക്കുമ്പോഴാണ് ചീറി അടുത്ത് വന്ന ആന വാഹനത്തിന് നേരെ ആക്രമണം നടത്തിയത്. സന്ധ്യമയങ്ങുന്നതോടെ പ്രദേശത്തെ ജനങ്ങള്‍ക്ക് വീടിന് പുറത്തിറങ്ങാന്‍ കഴിയാത്ത അവസ്ഥയാണ് .ഇരുളം വനാതിര്‍ത്തി പ്രദേശത്ത് ട്രഞ്ചും, ഫെന്‍സിങ്ങും തകര്‍ന്നതാണ് ആന ശല്യം വര്‍ദ്ധിക്കാന്‍ കാരണമെന്ന് നാട്ടുകാര്‍ പറയുന്നു.
