ജില്ലയില്‍ പ്ലസ് വണ്‍ സ്പോട്ട് അഡ്മിഷനിലൂടെ പ്രവേശനം നേടിയത് 439 ആദിവാസി വിദ്യാര്‍ഥികള്‍. വൈത്തിരി താലൂക്കില്‍ 172, മാനന്തവാടി താലൂക്കില്‍ 136, സുല്‍ത്താന്‍ ബത്തേരി താലൂക്കില്‍ 131 എന്നിങ്ങനെയാണ് പ്രവേശനം നേടിയ വിദ്യാര്‍ഥികളുടെ എണ്ണം. വൈത്തിരി താലൂക്കിലെ വിദ്യാര്‍ഥികള്‍ക്കായി കല്‍പറ്റ എസ്‌കെഎംജെ ഹയര്‍ സെക്കന്ററി സ്‌കൂളില്‍ നടന്ന സ്പോട്ട് അഡ്മിഷനില്‍ 188 പേര്‍ പങ്കെടുത്തു. ഇതില്‍ 17 പേര്‍ സയന്‍സ് ഗ്രൂപ്പും 56 പേര്‍ ഹ്യുമാനിറ്റീസും തിരഞ്ഞെടുത്തു. 75 വിദ്യാര്‍ഥികള്‍ കൊമേഴ്സിലും 24 കുട്ടികള്‍ വി.എച്ച്.എസ്.ഇയിലും പ്രവേശനം നേടി. സുല്‍ത്താന്‍ ബത്തേരി താലൂക്കിലെ വിദ്യാര്‍ഥികള്‍ക്കായി സര്‍വജന ഹയര്‍ സെക്കന്ററി സ്‌കൂളില്‍ നടന്ന അഡ്മിഷനില്‍ 322 വിദ്യാര്‍ഥികള്‍ പങ്കെടുത്തു. കൊമേഴ്സ്- 40, ഹ്യുമാനിറ്റീസ്- 77, സയന്‍സ്- 3, വിഎച്ച്എസ്ഇ- 11 വിദ്യാര്‍ഥികള്‍ തിരഞ്ഞെടുത്തു. മാനന്തവാടി താലൂക്കിലെ വിദ്യാര്‍ഥികള്‍ക്കായി മാനന്തവാടി വൊക്കേഷണല്‍ ഹയര്‍ സെക്കന്ററി സ്‌കൂളില്‍ നടന്ന അഡ്മിഷനില്‍ 159 പേര്‍ പങ്കെടുത്തു. ഹ്യുമാനിറ്റീസ്- 74, കൊമേഴ്സ്- 59, സയന്‍സ്- 3 പേര്‍ തിരഞ്ഞെടുത്തു. സംസ്ഥാന സര്‍ക്കാരിന്റെ പ്രത്യേക നിര്‍ദേശപ്രകാരം സ്‌കൂളുകളില്‍ നിലവിലുള്ള സീറ്റുകള്‍ വര്‍ധിപ്പിച്ചുകൊണ്ടാണ് വിദ്യാര്‍ഥികള്‍ക്ക് പ്രവേശനം നല്‍കിയിട്ടുള്ളത്.
