സ്‌കൂള്‍ ബസ് ഡ്രൈവര്‍മാരുടെ അടിസ്ഥാന ശമ്പളം 20000 രൂപയായി വര്‍ധിപ്പിക്കുക,തൊഴിലുറപ്പിനായി തൊഴില്‍ കാര്‍ഡ് ലഭ്യമാക്കുക, പെന്‍ഷന്‍ അനുവദിക്കുക, അപകട ,ആരോഗ്യ ഇന്‍ഷുറന്‍സ് ഏ.പി.എല്‍, ബി.പി.എല്‍ വ്യത്യാസമില്ലാതെ നല്‍കുക, ലേബര്‍ ഉദ്യോഗസ്ഥര്‍ സ്‌കൂളുകളില്‍ പരിശോധന നടത്തുക എയ്ഡഡ് സ്‌കൂളുകളില്‍ ജോലി ചെയ്യുന്ന ഡ്രൈവര്‍മാര്‍ക്ക് സര്‍ക്കാര്‍ ശമ്പളവും ആനുകുല്യങ്ങളും നല്‍കുക തുടങ്ങി വിവിധ ആവശ്യങ്ങളുന്നയിച്ചു ശക്തമായ സമരപരിപാടികള്‍ നടത്തുമെന്ന് ബസ് ഡ്രൈവേഴ്സ് അസോസിയേഷന്‍ ജില്ലാ കമ്മിറ്റി ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. തങ്ങളുടെ കാര്യത്തില്‍ തൊഴില്‍ വകുപ്പ് കാണിക്കുന്ന അനാസ്ഥയില്‍ പ്രതിഷേധിച്ച് ലേബര്‍ ഓഫീസിന് മുന്നില്‍ ധര്‍ണ്ണ നടത്തുമെന്നും ഭാരവാഹികള്‍ അറിയിച്ചു വാര്‍ത്താസമ്മേളനത്തില്‍ ജില്ലാ പ്രസിഡന്റബേബി കൈനക്കുഴി, സെക്രട്ടറി എം.എം.ഷാഫി, ട്രഷറര്‍ ജമാല്‍ തെക്കേപൊയില്‍ വര്‍ഗ്ഗീസ് പനച്ചിക്കല്‍ എന്നിവര്‍ പങ്കെടുത്തു.
