സ്റ്റോപ്പ് മെമ്മോ ലംഘിച്ച് പുല്‍പ്പള്ളി കുറിച്ചിപ്പറ്റ ശ്മശാനത്തില്‍ മൃതദേഹം സംസ്‌കരിച്ചതിനെതിരെ നിയമ നടപടികള്‍ സ്വീകരിക്കുമെന്ന് കുറിച്ചിപ്പറ്റ ശ്മശാന വിരുദ്ധ ആക്ഷന്‍ കമ്മിറ്റി ഭാരവാഹികള്‍ വാര്‍ത്താ സമ്മേളനത്തില്‍ പറഞ്ഞു. ലോകായുക്തയിലും കോടതിയിലും കേസ് നിലനില്‍ക്കെയാണ് ജില്ലാ കലക്ടറുടെ അനുമതി ഇല്ലാതെ മൃതദേഹം സംസ്‌കരിച്ചത്. എതിര്‍ത്തവരെ അറസ്റ്റ് ചെയ്ത നടപടിക്കെതിരെ ശക്തമായി പ്രതിഷേധിക്കുമെന്നും ഭാരവാഹികള്‍ പറഞ്ഞു. സാബു എള്ളുങ്കല്‍, ഷാജി പനച്ചിക്കല്‍, സനിഫ് കദളിക്കാട്ടില്‍, ടോമി മൂലെപറമ്പില്‍ തുടങ്ങിയവര്‍ പങ്കെടുത്തു.
