റിട്ടയേര്‍ഡ് ഡി.വൈ.എസ്.പി.വി.ജി. കുഞ്ഞന്റ മണല്‍ വയലിലെ വീടിന് നേരെ അജ്ഞാതരുടെ അക്രമണം. ശനിയാഴ്ച്ച പുലര്‍ച്ച 2 മണിയോടെയാണ് വീടിന് നേരെ ആക്രമണം ഉണ്ടായത്. കല്ലേറില്‍ വീടിന്റെ മുറ്റത്ത് കിടന്ന മാരുതി സ്വീറ്റ് കാറിന്റെ ചില്ലുകള്‍ തകര്‍ന്നു.ഇതിന് പുറമേ വീടിന് നേരെ കല്ലേറ് ഉണ്ടായി. കല്ലെറിയുന്ന ശബ്ദം കേട്ട് ലൈറ്റ് ഇട്ടതിനെ തുടര്‍ന്ന് അക്രമികള്‍ ഓടി മറയുകയായിരുന്നു. എറിയാന്‍ ഉപയോഗിച്ച കല്ലുകള്‍ വീടിന് മുറ്റത്ത് കണ്ടെത്തിയിട്ടുണ്ട്. കുഞ്ഞന്റെ പരാതിയെ തുടര്‍ന്ന് കേണിച്ചിറ പോലീസ് അന്വേഷണം ആരംഭിച്ചു.സിസിടി ദൃശ്യങ്ങള്‍ പരിശോധിച്ച് പ്രതികളെ കണ്ടെത്താനുള്ള ശ്രമത്തിലാണ് പോലീസ് .
