പുല്‍പ്പള്ളി കേളക്കവല നായാട്ട്പാറ ഹീലമോള്‍ (26) ഭര്‍ത്താവ് ശ്രീജിത്ത് (26) എന്നിവരെയാണ് ബത്തേരി പോലീസ് അറസ്റ്റ് ചെയ്തത്. ഇക്കഴിഞ്ഞ മെയ് 31നാണ് സംഭവം. ബത്തേരി ഫെയര്‍ലാന്റില്‍ ജോലിക്കു നിന്ന വീട്ടില്‍ നിന്നുമാണ് ഹീലമോള്‍ 6 പവന്‍ സ്വര്‍ണ്ണാഭരണങ്ങള്‍ മോഷ്ടിച്ചത്. തുടര്‍ന്ന് വീട്ടുകാര്‍ പരാതി നല്‍കുകയും ഇതിന്റെ അടിസ്ഥാനത്തില്‍ ബത്തേരി പോലീസ് നടത്തിയ അന്വേഷണത്തിലാണ് വീട്ടില്‍ ജോലിക്കുനിന്ന ഹീലമോളെ കഴിഞ്ഞ ദിവസം ബത്തേരി സി.ഐ.എം.ഡി സുനിലിന്റെ നേതൃത്വത്തില്‍ എസ്.ഐ അബ്ദുള്ള സി.പി.ഒ മാരായ മാത്യു, ത്സാന്‍സി എന്നിവര്‍ അറസ്റ്റ് ചെയ്തത്. ഇവര്‍ വീട്ടില്‍ നിന്നും മോഷ്ടിച്ച് ജില്ലയിലെ വിവിധ ജ്വല്ലറികളില്‍ വില്‍പ്പന നടത്തിയ ആഭരണങ്ങള്‍ കണ്ടെടുക്കുകയും ചെയ്തു. ഹീലമോള്‍ക്ക് ഇതിനുള്ള ഒത്താശ ചെയ്തതിനാണ് ഭര്‍ത്താവ് ശ്രീജിത്തിനെയും അറസ്റ്റ് ചെയ്തത്. കോടതിയില്‍ ഹാജരാക്കിയ ഇവരെ റിമാന്റ് ചെയ്തു.
