മുള്ളന്‍ക്കൊല്ലി പാറക്കടവ് ജനവാസകേന്ദ്രത്തില്‍ കടുവയെ കണ്ടു ജനങ്ങള്‍ പരിഭ്രാന്തിയില്‍. ഇന്ന് കാലത്ത് 11 മണിയോടെയാണ് മോമുട്ടത്ത് സുരേന്ദ്രന്റെ കൃഷിയിടത്തില്‍ കടുവയെ കണ്ടത്. തുടര്‍ന്ന് വനംവകുപ്പ് അധികൃതരെ വിവരം അറിയിച്ചു. വനംവകുപ്പും നാട്ടുകാരും നടത്തിയ തിരച്ചിലില്‍ കുറ്റിക്കാട്ടിന് സമീപം കടുവയെ കണ്ടതോടെ കൂടുതല്‍ വനംവകുപ്പ് ഉദ്യേസ്ഥര്‍ സ്ഥലത്തെത്തി ഊര്‍ജിതമായി തിരച്ചില്‍ തുടരുകയാണ്. ജനവാസ കേന്ദ്രത്തിലിറങ്ങിയ കടുവയെ മയക്കുവെടി വെച്ച് പിടികൂടണമെന്നാണ് നാട്ടുകാരുടെ ആവശ്യം. ഡി.എഫ് ഒ ഉള്‍പ്പടെയുള്ളവര്‍ സ്ഥലത്തെത്തിയാല്‍ മാത്രമെ മയക്കുവെടി വച്ച് പിടികൂടാന്‍ കഴിയൂ എന്നാണ് വനം വകുപ്പ് അധികൃതര്‍ പറയുന്നത്.
