തിരുനെല്ലി അതിര്‍ത്തിയില്‍ മാവോയിസ്റ്റുകള്‍ എത്തിയതായി സൂചന. കഴിഞ്ഞ ദിവസം കുടക് കേരള അതിര്‍ത്തിയില്‍ മാവോയിസ്റ്റ് സാന്നിധ്യം ഉണ്ടെന്ന വിവരത്തിന്റെ അടിസ്ഥാനത്തില്‍ കര്‍ണ്ണാടക ആന്റി നെക്‌സല്‍ സ്‌ക്വാഡ് പരിശോധന കര്‍ശനമാക്കി. കുടക് കാപ്പിതോട്ടങ്ങളിലും കേരള കര്‍ണാടക അതിര്‍ത്തി പങ്കിടുന്ന വന മേഖലകളിലും പരിശോധന തുടരുകയാണ്. കര്‍ണാടക ആന്റി നെക്‌സല്‍സ് സ്‌ക്വാഡിന്റെ എട്ട് ടീമാണ് പരിശോധന നടത്തുന്നത്. തിരുനെല്ലി പക്ഷിപാതാളം മലനിരകളിലും പരിശോധന തുടരുന്നു. തോല്‍പെട്ടി, കുട്ടം അതിര്‍ത്തികളിലും സേന ക്യാമ്പ് ചെയ്യുന്നുണ്ട്. അടുത്തിടെ തിരുനെല്ലിയില്‍ മാവോയിസ്റ്റ് സംഘം എത്തിയ സ്ഥലങ്ങളും പ്രത്യേക നീരിക്ഷണത്തിലാണ്. മടിക്കേരി എസ്.പി ആന്റി നെക്‌സല്‍ സ്‌ക്വാഡ് മേധാവി എന്നിവരുടെ നേതൃത്വത്തില്‍ ഉന്നതതല യോഗം ചേര്‍ന്നു.
