വയനാട് പ്രസ്സ് ക്ലബ്ബ് ജീവകാരുണ്യ സേവന പ്രവര്‍ത്തനങ്ങള്‍ക്കായി രൂപീകരിക്കുന്ന കാരുണ്യ ബനവലന്റ് ഫണ്ടിന്റെ ഭാഗമായി നടത്തുന്ന കലാസന്ധ്യ നാളെ വൈകുന്നേരം ആറ് മണിക്ക് കല്‍പ്പറ്റ പുളിയാര്‍മല കൃഷ്ണഗൗഡര്‍ ഹാളില്‍ നടക്കും.പ്രശസ്ത സിനിമാ താരവും ടി.വി അവതാരകനുമായ ജഗദീഷും സിനിമാ പിന്നണി ഗായികയും അവാര്‍ഡ് ജേതാവുമായ കീര്‍ത്തന ശബരീഷും സംഘവും പരിപാടി നയിക്കും. പ്രസ്സ് ക്ലബ്ബില്‍ നിന്നും മുന്‍കൂട്ടി പ്രവേശന പാസ് ലഭിക്കും.വൈകുന്നേരം നാലര മുതല്‍ പരിപാടി നടക്കുന്ന ഹാളിലെ പ്രത്യേക കൗണ്ടറില്‍ നിന്നും പ്രവേശന പാസ് ലഭിക്കുന്നതാണ്. കലാസന്ധ്യ തുറമുഖ മ്യൂസിയം വകുപ്പ് മന്ത്രി കടന്നപ്പള്ളി രാമചന്ദ്രന്‍ ഉദ്ഘാടനം ചെയ്യും. ഐ.സി.ബാലകൃഷ്ണന്‍ എം.എല്‍.എ അധ്യക്ഷത വഹിക്കും. പ്രസ്സ് ക്ലബ്ബ് ഏര്‍പ്പെടുത്തിയ കെ. ജയചന്ദ്രന്‍ സ്മാരക അവാര്‍ഡ് മംഗളം കണ്ണൂര്‍ സീനിയര്‍ റിപ്പോര്‍ട്ടര്‍ കെ.സുജിത്തിന് ചടങ്ങില്‍ സമര്‍പ്പിക്കും.കെ. ജയചന്ദ്രന്‍ അനുസ്മരണ പ്രഭാഷണം ഒ.കെ. ജോണി നിര്‍വ്വഹിക്കും.ജില്ലാ പഞ്ചാായത്ത് പ്രസിഡണ്ട് കെ.ബി. നസീമ മുഖ്യാതിഥിയായിരിക്കും .കല്‍പ്പറ്റ നഗരസഭ ചെയര്‍പേഴ്‌സണ്‍ സനിത ജഗദീഷ് സംബന്ധിക്കും.പ്രസ്സ് ക്ലബ്ബ് പ്രസിഡണ്ട് പ്രദീപ് മാനന്തവാടി,സെക്രട്ടറി പി.ഒ. ഷീജ എന്നിവര്‍ നേതൃത്വം നല്‍കും.
