ദേശീയ പാതയില്‍ നിയന്ത്രണം വിട്ട കാര്‍ മൂലങ്കാവ് ഓട്ടോറിക്ഷ സ്റ്റാന്റിലേക്ക് ഇടിച്ചു കയറി ഓട്ടോറിക്ഷകളില്‍ ഉണ്ടായിരുന്ന മൂന്ന് ഡ്രൈവര്‍മാര്‍ക്ക് പരിക്കേറ്റു. വില്‍സണ്‍ (53),ബഷീര്‍ (55),ജോയി (54) എന്നിവര്‍ക്കാണ് പരുക്കേറ്റത്. ഉച്ചയ്ക്ക് ഒന്നേമുക്കാലോടെയാണ് അപകടം. ബത്തേരി ഭാഗത്ത് നിന്ന് വരുകയായിരുന്ന കര്‍ണാടക രജിസ്‌ട്രേഷന്‍ കാറാണ് അപകടം ഉണ്ടായത്. പരിക്കേറ്റവരെ ബത്തേരിയിലെ വിവിധ ആശുപത്രികളില്‍ പ്രവേശിപ്പിച്ചു. തുടര്‍ന്ന് ഗുരുതര പരിക്കേറ്റ ജോയിയെ കോഴിക്കോട് മെഡിക്കല്‍ കോളേജിലേക്കും, വില്‍സനെ മേപ്പാടിയിലെ സ്വകാര്യ മെഡിക്കല്‍ കോളേജിലേക്കും കൊണ്ടുപോയി. കാറിലുണ്ടായിരുന്നവര്‍ക്ക് പരിക്കില്ല.
