സഹകരണ പ്രസ്ഥാനങ്ങളെ തകര്‍ക്കരുത്, ഇഡി നടത്തുന്നത് രാഷ്ട്രീയ വേട്ട അവസാനിപ്പിക്കുക എന്നീ മുദ്രാവാക്യമുയര്‍ത്തി ഡിവൈഎഫ്‌ഐ വയനാട് ജില്ലാ കമ്മിറ്റി നേതൃത്വത്തില്‍ കല്‍പ്പറ്റ ടെലഫോണ്‍ എക്‌സ്‌ചേഞ്ചിലേക്ക് പ്രതിഷേധ മാര്‍ച്ച് നടത്തി. പ്രതിഷേധ സമരം ഡിവൈഎഫ്‌ഐ കേന്ദ്ര കമ്മിറ്റിയംഗം എം വിജിന്‍ ഉദ്ഘാടനം ചെയ്തു. ജില്ലാ പ്രസിഡണ്ട് കെ എം ഫ്രാന്‍സിസ് അധ്യക്ഷനായിരുന്നു. ജില്ലാ സെക്രട്ടറി കെ റഫീഖ് സ്വാഗതവും ജില്ലാ ട്രഷറര്‍ കെ ആര്‍ ജിതിന്‍ നന്ദിയും പറഞ്ഞു. സംസ്ഥാന കമ്മിറ്റിയംഗം ഷിജി ഷിബു, സി ഷംസുദ്ദീന്‍, അര്‍ജ്ജുന്‍ ഗോപാല്‍, ജോബിസണ്‍ ജെയിംസ്, പി ജംഷീദ്, ഇന്ദുപ്രഭ എന്നിവര്‍ സംസാരിച്ചു.
