തൊഴിലുറപ്പ് ജോലിക്ക് ഡ്രോണ്‍ ഉപയോഗിച്ച് വാനനിരീക്ഷണം ഏര്‍പ്പെടുത്താനുള്ള നീക്കം ഉപേക്ഷിക്കണമെന്ന് മേപ്പാടിയില്‍ ചേര്‍ന്ന എന്‍.ആര്‍.ഇ.ജി വര്‍ക്കേഴ്‌സ് യൂണിയന്‍ രണ്ടാം വയനാട് ജില്ലാ സമ്മേളനം ആവശ്യപ്പെട്ടു.എം.എസ്.എ. ഓഡിറ്റോറിയത്തില്‍ നടന്ന പ്രതിനിധി സമ്മേളനം യൂണിയന്‍ സംസ്ഥാന ജോയിന്റ് സെക്രട്ടറി എം.ചന്ദ്രന്‍ ഉദ്ഘാടനം ചെയ്തു.തൊഴിലാളികള്‍ക്ക് ജാതി തിരിച്ച് കൂലി സമ്പ്രദായം ഏര്‍പ്പെടുത്താനുള്ള തീരുമാനം പുന:പരിശോധിക്കുക,നിര്‍ത്തിവെച്ച പണി ആയുധങ്ങള്‍ക്കുള്ള വാടക പുന:സ്ഥാപിക്കുക തുടങ്ങിയ ആവശ്യങ്ങളും സമ്മേളനം ഉന്നയിച്ചു.എല്‍സി ജോര്‍ജ് അധ്യക്ഷയായിരുന്നു.സെക്രട്ടറി എ.എന്‍.പ്രഭാകരന്‍ റിപ്പോര്‍ട്ടവതരിപ്പിച്ചു.കെ.റഫീഖ്, സുഗതന്‍, പി. ഗഗാറിന്‍, വി.ഹാരിസ്, പി.സി.ഹരിദാസന്‍ തുടങ്ങിയവര്‍ സംസാരിച്ചു. പ്രകടനം, പൊതുസമ്മേളനം എന്നിവയോടെ സമ്മേളനം ബുധനാഴ്ച സമാപിക്കും.
