കേരള സീനിയര്‍ സിറ്റിസണ്‍സ് ഫോറം വയനാട് ജില്ലാ കമ്മിറ്റിയുടെ ആഭിമുഖ്യത്തില്‍ കേന്ദ്ര-കേരള സര്‍ക്കാരുകളുടെ വയോജനങ്ങളോടുള്ള അവഗണനക്കെതിരെ കല്‍പ്പറ്റയില്‍ മാര്‍ച്ചും ധര്‍ണ്ണയും നടത്തി.തുടര്‍ന്ന് എച്ച്.ഐ.എം യു.പി സ്‌കൂള്‍ പരിസരത്ത് ധര്‍ണ്ണയും നടത്തി. മുതിര്‍ന്ന പൗരന്മാര്‍ക്കുള്ള റെയില്‍വെ യാത്രാ ഇളവുകള്‍ പുനസ്ഥാപിക്കുക,വര്‍ഷംതോറും വയോജന പെന്‍ഷന്‍ വര്‍ദ്ധിപ്പിക്കുക, ക്ഷേമ പെന്‍ഷനുകള്‍ മാസംതോറും നല്‍കുക,വയോജന പകല്‍ വിശ്രമകേന്ദ്രങ്ങള്‍ എല്ലാ വാര്‍ഡുകളിലും സ്ഥാപിക്കുക,വയോമിത്രം പദ്ധതി പഞ്ചായത്തുകളിലും നടപ്പിലാക്കുക, വാര്‍ദ്ധക്യകാല പെന്‍ഷന്‍ 5000 രൂപയാക്കി വര്‍ദ്ധിപ്പിക്കുക,പെന്‍ഷന്‍ ലഭിക്കുന്നതിന് അപേക്ഷകന്റെ വരുമാനം മാത്രം കണക്കിലെടുക്കുക തുടങ്ങിയ ആവശ്യങ്ങള്‍ ഉന്നയിച്ചായിരുന്നു സമരം. ധര്‍ണ്ണ ജില്ലാ പഞ്ചായത്ത് പ്രസിഡണ്ട് സംഷാദ് മരക്കാര്‍ ഉദ്ഘാടനം ചെയ്തു .
ജില്ലാ പ്രസിഡണ്ട് കെ.വി. മാത്യു മാസ്റ്റര്‍ അധ്യക്ഷത വഹിച്ചു. സംസ്ഥാന വൈസ് പ്രസിഡണ്ട് എ.പി.വാസുദേവന്‍ നായര്‍ മുഖ്യ പ്രഭാഷണം നടത്തി.
