ബ്രഹ്‌മഗിരി മാംസ സംസ്‌കരണ ഫാക്ടറിയിലേക്ക് കോണ്‍ഗ്രസ് മാര്‍ച്ച് നടത്തി. സൊസൈറ്റിയുടെ സാമ്പത്തിക ക്രമക്കേടുകള്‍ സിബിഐ അന്വേഷിക്കണമെന്നാവശ്യപ്പെട്ടായിരുന്നു സമരം. ബ്രഹ്‌മഗിരി ഡെവലപ്‌മെന്റ് സൊസൈറ്റിക്ക് മുന്നിലെത്തിയ പ്രവര്‍ത്തകരെ പോലീസ് ബാരിക്കേഡ് ഉപയോഗിച്ച് തടഞ്ഞു. എന്നാല്‍ സമരാനുകൂലികള്‍ ബാരിക്കേഡ് തകര്‍ത്ത് സൊസൈറ്റി കോമ്പൗണ്ടിനുള്ളില്‍ പ്രവേശിച്ചതോടെ സമരാനുകൂലികളും പൊലീസും തമ്മില്‍ കയ്യാങ്കളിയായി.ഡിസിസി പ്രസിഡന്റ് എന്‍ ടി അപ്പച്ചന്‍ സമരം ഉദ്ഘാടനം ചെയ്തു.കെ ആര്‍ സാജന്‍ എന്‍ എന്‍ വിജയന്‍ ബി പി രാജശേഖരന്‍ എടക്കല്‍ മോഹനന്‍ തുടങ്ങിയവര്‍ സംസാരിച്ചു.
