മാള്‍ട്ടയില്‍ ജോലി വാഗ്ദാനംചെയ്ത്
വയനാട് സ്വദേശികളായ 27 പേരില്‍ നിന്ന് 1 കോടി 10 ലക്ഷം രൂപ തട്ടിയെടുത്തതായി പരാതി. തട്ടിപ്പിനിരയായവര്‍ പുല്‍പ്പള്ളി പോലീസില്‍ നല്‍കിയ പരാതിയുടെ അടിസ്ഥാനത്തില്‍ അറസ്റ്റ് ചെയ്ത് കോടതിയില്‍ ഹാജരാക്കിയ രണ്ട് പേരെ റിമാണ്ട് ചെയ്തു. തൃശൂര്‍ മേലൂര്‍ കറുവപ്പടി മണ്ടിയില്‍ വീട് നിതിന്‍ തോമസ് (32), ,പുല്‍പ്പള്ളി ആടികൊല്ലി നാടികുന്നേല്‍ വീട് ഷാജു ജേക്കബ് ( 52 ) എന്നിവരാണ് രണ്ട് ദിവസം മുന്‍പ് റിമാണ്ടിലായത്. ഷാജുവിന്റെ മകന്‍ അമല്‍ (22) നെതിരെയും കേസെടുത്തിട്ടുണ്ട്. ഇയാള്‍ മാള്‍ട്ടയില്‍ ജോലി ചെയ്ത് വരികയാണ്. പലരില്‍ നിന്നും മൂന്നര ലക്ഷം മുതല്‍ നാലര ലക്ഷം രൂപ വീതം സംഘം പിരിച്ചെടുത്തെന്നാണ് പരാതി. ഒരു വര്‍ഷത്തോളമായിട്ടും ജോലി നല്‍കാതിരുന്നതോടെയാണ് പണം നല്‍കിയവര്‍ പരാതിയുമായി പോലീസിനെ സമീപിച്ചത്.
