ജില്ലയ്ക്ക് തന്നെ മാതൃക ആകാന്‍ സാധിക്കുന്ന പദ്ധതിയാണ് ജില്ലാ പഞ്ചായത്ത് വിഭാവനം ചെയ്തത്,പ്രവര്‍ത്തിയുമായി ബന്ധപ്പെട്ട കരാര്‍ നല്‍കിയത് പൊതുമേഖല സ്ഥാപനമായ കാഡ്‌ഗോയ്ക്കാണ് പ്രവര്‍ത്തിയില്‍ പരാതികള്‍ ഉണ്ടെങ്കില്‍ കാഡ്‌ഗോയുടെ സംസ്ഥാനത്തൊട്ടാകെയുള്ള പ്രവര്‍ത്തനം അന്വേഷിക്കണമെന്ന് ജില്ലാ പഞ്ചായത്ത് പ്രസിഡണ്ട് സംഷാദ് മരക്കാര്‍ വാര്‍ത്താ സമ്മേളനത്തില്‍ പറഞ്ഞു.പണികള്‍ പൂര്‍ത്തിയാകുന്നതിനുമുമ്പ് മുഴുവന്‍ തുകയും കൈമാറിയത്തില്‍ ജാഗ്രതക്കുറവ് ഉണ്ടായി.എന്നാല്‍ ഡിഡിയുടെ ഉദ്ദേശശുദ്ധി വ്യക്തമായതിനാല്‍ ആരോപണങ്ങളിലേക്കില്ലെന്നും ആരോപണങ്ങളിലൂടെ എല്‍ഡിഎഫ് പ്രതിനിതികള്‍ സ്വയം കുറ്റക്കാരാവുകയാണ് ചെയ്യുന്നതെന്നും അദ്ദേഹം പറഞ്ഞു.സ്ഥിരം സമിതി അധ്യക്ഷന്‍ എം മുഹമ്മദ് ബഷീര്‍,ഉഷ തമ്പി,അമല്‍ ജോയ് തുടങ്ങിയവര്‍ വാര്‍ത്താ സമ്മേളനത്തില്‍ പങ്കെടുത്തു.
