കല്‍പ്പറ്റ: ശിശുസൗഹൃദനഗരസഭയുടെ ഭാഗമായി കല്‍പ്പറ്റ നഗരസഭ അനക്‌സ് ഹാളില്‍ വെച്ച് 28 വാര്‍ഡുകളില്‍ നിന്നും തിരഞ്ഞെടുക്കപ്പെട്ട 200ഓളം കുട്ടികളുടെ ബാലവാര്‍ഡ് സഭ സംഘടിപ്പിച്ചു. നഗരസഭാ ചെയര്‍പേഴ്‌സണ്‍ സനിതാ ജഗദീഷ് ഉദ്ഘാടനം ചെയ്തു. ക്ഷേമകാര്യ ചെയര്‍മാന്‍ ടി.മണി സ്വാഗതം പറഞ്ഞു. വി.ഹാരിസ് മുഖ്യപ്രഭാഷണം നടത്തി. വികസന സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ ബിന്ദു ജോസ്, ആരോഗ്യ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ കെ.അജിത, കൗണ്‍സിലര്‍മാരായ ആയിഷ പള്ളിയാല്‍,ബീന രതീഷ്,വി.എം.റഷീദ്, എ.എം.സുരേഷ്‌കുമാര്‍, ടി.കെ.രുഗ്മിണി, എ.ഗിരീഷ് എന്നിവര്‍ സംസാരിച്ചു. ചൈല്‍ഡ് ലൈന്‍ ഡയറക്ടര്‍ ആന്റ് കില ഫാക്കല്‍ട്ടി അംഗമായിട്ടുള്ള സി.കെ.ദിനേശന്‍ ക്ലാസ്സെടുത്തു. ഫാക്കല്‍ടി അംഗമായിട്ടുള്ള ലില്ലി തോമസ്,സതീഷ് കുമാര്‍,മജേഷ്‌കുമാര്‍ എന്നിവര്‍ ക്ലാസ്സെടുത്തു. സി.ഡി.എസ്. ചെയര്‍പേഴ്‌സണ്‍ സഫിയ അസീസ് നന്ദി പറഞ്ഞു.
