ബത്തേരി നമ്പി കൊല്ലിയിലാണ് യാത്രക്കാര്‍ക്ക് വിസ്മയ കാഴ്ച്ചയൊരുക്കി പൂത്തുലഞ്ഞു നില്‍ക്കുന്ന ബസ് കാത്തിരിപ്പ് കേന്ദ്രമുള്ളത്. ഇത് കാണാനും ഇവിടെ വന്ന് ഫോട്ടോ പകര്‍ത്താനും നിരവധിയാളുകളും ഇവിടേക്ക് എത്തുന്നുണ്ട്.സുല്‍ത്താന്‍ ബത്തേരി പാട്ടവയല്‍ റോഡില്‍ നമ്പി കൊല്ലിയിലാണ് പൂത്തുലഞ്ഞു നില്‍ക്കുന്ന ബസ് കാത്തിരിപ്പു കേന്ദ്രമുള്ളത്. ക്യാറ്റ്‌ക്ലോവൈന്‍ ഇനത്തില്‍പ്പെട്ട പൂചെടിയാണ് ഈ ബസ് കാത്തിരിപ്പ് കേന്ദ്രത്തെ ഇത്രയും സുന്ദരമാക്കിയിരിക്കുന്നത്. രണ്ട് വര്‍ഷം മുമ്പ് പ്രദേശവാസിയായ ജോയിയെന്നയാളാണ് ഈ ചെടി ബസ് കാത്തിരിപ്പ് കേന്ദ്രത്തോട് ചേര്‍ന്ന് നട്ടത്. പിന്നിട് ഇത് ഇവിടുത്തെ ഡ്രൈവര്‍മാരും വ്യാപാരികളും ചേര്‍ന്ന് പരിപാലിച്ചു .ബസ് കാത്തിരിപ്പ് കേന്ദ്രത്തിന് മുകളില്‍ പടര്‍ന്ന് കിടന്നിരുന്ന ചെടി കഴിഞ്ഞ വര്‍ഷം മുതല്‍ പൂവിട്ടു തുടങ്ങി.
