2020 ല്‍ മുട്ടില്‍ പ്രദേശത്ത് നടന്ന മരം മുറിയുടെ പേരില്‍ 2021 ല്‍ അധികാരമേറ്റ വനം വകുപ്പ് മന്ത്രിയെ അധിക്ഷേപിക്കുന്നത് നിര്‍ത്തണമെന്ന് എന്‍.സി.പി ജില്ലാ കമ്മിറ്റി.മുട്ടില്‍ മരം മുറിയില്‍ ഉത്തരവാദപ്പെട്ട സ്ഥലം ഉടമയെയും വനം റവന്യൂ വകുപ്പ് ജീവനക്കാരെയും നിയമത്തിനു മുന്നില്‍ കൊണ്ടുവരണമെന്നും ആദിവാസികളെ വഞ്ചിച്ചതിന് എസ് സി എസ് ടി ആക്ട് പ്രകാരം കേസ് എടുക്കണമെന്നും യോഗം ആവശ്യപ്പെട്ടു. യോഗത്തില്‍ ഡോ: എം.പി. അനില്‍ അധ്യക്ഷത വഹിച്ചു. സി എം ശിവരാമന്‍, അശോക് കുമാര്‍ , കൈതമറ്റം ജോണി തുടങ്ങിയവര്‍ സംസാരിച്ചു.
