‘ അതിജീവനം’ ക്യാമ്പയിന് തുടക്കമിട്ട് ഡിവൈഎഫ്‌ഐ കണിയാരം മേഖല കമ്മിറ്റി.കോവിഡ് പ്രതിസന്ധി കാലത്ത് വീട്ടിടങ്ങള്‍ കൃഷിയിടങ്ങളാക്കുക എന്ന ലക്ഷ്യത്തോടെയാണ് കണിയാരത്ത് ഡിവൈഎഫ്‌ഐ പ്രവര്‍ത്തകര്‍ വീടുകളില്‍ കൃഷിക്ക് ആവശ്യമായ കപ്പ തണ്ടുകള്‍ നല്‍കുന്നത്.കോവിഡ് കാലത്ത് ഭക്ഷ്യക്ഷാമം രൂക്ഷമാകുന്നത് തടയാനും വീടുകള്‍ സ്വയംപര്യാപ്തത കൈവരിക്കാനുമാണ് ഡിവൈഎഫ്‌ഐ ലക്ഷ്യമിടുന്നത്.
കൃഷിക്കാവശ്യമായ കപ്പ തണ്ടിനൊപ്പം വീടുകളില്‍ കപ്പയും നല്‍കി.അതിജീവനം ക്യാമ്പയിന് മാനന്തവാടി ബ്ലോക്ക് പ്രസിഡന്റ് അജിത്ത് വര്‍ഗ്ഗീസ് ഡിവൈഎഫ്‌ഐ ജില്ലാ കമ്മിറ്റിയംഗം എ.കെ റൈഷാദ് ,മേഖല സെക്രട്ടറി രതീഷ് രാജന്‍, പ്രസിഡന്റ് രാഹുല്‍ പത്മനാഭന്‍,സില്‍ജോ സെബാസ്റ്റ്യന്‍, കെ ആര്‍ ഹരിപ്രസാദ്, സന്ദീപ് പി ടി, റിയാസ്, സാബു തോമസ്, അജിത്ത് കുമാര്‍, വിപിന്‍, നികാന്ത്, സനൂപ് വര്‍ഗ്ഗീസ്, ദീപു എന്നിവര്‍ നേതൃത്വം നല്‍കി.
