ഇരുകാലുകളും മുറിച്ച് പുല്‍പ്പള്ളി സാമൂഹികാരോഗ്യ കേന്ദ്രത്തില്‍ ചികിത്സയില്‍ കഴിയുന്ന കാപ്പിസെറ്റ് കുറ്റിവയല്‍ അമ്മിണിയ്ക്ക് പുല്‍പ്പള്ളി ഗ്രാമ പഞ്ചായത്തിന്റെയും കെ.എസ്.കെ.ടി.യുവിന്റെയും സഹായം. ആശുപത്രിയില്‍ കഴിയുന്ന അമ്മിണിയെ ഗ്രാമപഞ്ചായത്ത് പ്രസിഡണ്ട് ബിന്ദു പ്രകാശ്, മെമ്പര്‍മാരായ ഉണ്ണി കൃഷ്ണന്‍, ശോഭനാ പ്രസാദ് കെ.എസ്.കെ.ടി.യു. നേതാവ് പി.എസ് ജനാര്‍ദ്ദനന്‍ എന്നിവരുടെ നേതൃത്വത്തിലുള്ള സംഘം സന്ദര്‍ശിച്ചു. ചികിത്സയ്ക്കും നിത്യചിലവിനുമായി മാസം 5000 രൂപ നല്‍കുമെന്ന് ഇവര്‍ അറിയിച്ചു. ഇതിനു പുറമെ വിവിധ സന്നദ്ധ സംഘടനകളുടെ നേതൃത്വത്തില്‍ സഹായങ്ങളും വിതരണം ചെയ്തു.
