നബാര്‍ഡിന്റെ നേതൃത്വത്തില്‍ വയനാട് സോഷ്യല്‍ സര്‍വീസ് സൊസൈറ്റി നടപ്പിലാക്കുന്ന ഇ-ശക്തി പദ്ധതിയില്‍ ആനിമേറ്റര്‍മാര്‍ക്കായി ശില്‍പ്പശാല സംഘടിപ്പിച്ചു. ഡോക്യുമെന്റേഷന്‍,പബ്ലിക് റിലേഷന്‍, മീഡിയ മാനേജ്‌മെന്റ്,ഡിജിറ്റല്‍ പ്രൊമോഷന്‍ എന്നീ വിഷയങ്ങളിലാണ് ശില്‍പ്പശാല സംഘടിപ്പിച്ചത്.
വയനാട് സോഷ്യല്‍ സര്‍വീസ് സൊസൈറ്റി ഡയറക്ടര്‍ ഫാദര്‍ പോള്‍ കൂട്ടാല പരിപാടി ഉദ്ഘാടനം ചെയ്തു. വയനാട് സോഷ്യല്‍ സര്‍വീസ് സൊസൈറ്റി പ്രോഗ്രാം ഓഫീസര്‍ പി. എ ജോസ് അധ്യക്ഷത വഹിച്ചു. കേരളഭൂഷണം വയനാട് ബ്യൂറോ ചീഫ് സി. വി.ഷിബു ക്ലാസെടുത്തു. സിസ്റ്റര്‍ അനിലിറ്റ് , എസ്.ഡബ്ല്യൂ.എസ്. റീജിയണല്‍ കോഡിനേറ്റര്‍ ഷീന ആന്റണി, ജാന്‍സി ജിജോ എന്നിവര്‍ സംസാരിച്ചു.
