സാമുഹികാരോഗ്യ കേന്ദ്രത്തിന്റെ നേതൃത്വത്തില്‍ പുല്‍പ്പള്ളിയില്‍ നടത്തിയ ആന്റിജന്‍ പരിശോധനയില്‍ 2 പേര്‍ക്ക് കോവിഡ്.ചങ്ങല ഗേറ്റിലേയും ആനപ്പാറയിലേയും കോവിഡ് സ്ഥിരീകരിച്ച രോഗിയുമായി സമ്പര്‍ക്കപ്പട്ടികയില്‍ പെട്ട ആളുകളും ആന്റിജന്‍ പരിശോധനയില്‍ പങ്കെടുത്തു. കോവിഡ് സ്ഥിരീകരിച്ച ഒരാള്‍ ബസ്റ്റാന്‍ഡ് പരിസരത്തെ ശാലിമ ഫാന്‍സിയിലെ ജീവനക്കാരനും ഒരാള്‍ ആനപ്പാറ സ്വദേശിയുമാണ്. ശാലിമ ഫാന്‍സി ജീവനക്കാരന് കോവിഡ് സ്ഥിരീകരിച്ചതോടെ രണ്ട് വ്യാപാര സ്ഥാപനങ്ങള്‍ ആരോഗ്യ വകുപ്പ് അടപ്പിച്ചു. ഈ മാസം പത്താം തീയ്യതി മുതല്‍ ഫാന്‍സി സന്ദര്‍ശിച്ച മുഴുവന്‍ ആളുകളും സ്വയം ക്വാറന്റെയിനില്‍ പ്രവേശിക്കണമെന്ന് ആരോഗ്യ വകുപ്പ് നിര്‍ദ്ദേശം നല്‍കി.
