സുല്‍ത്താന്‍ ബത്തേരിയില്‍ ഇന്ന് 10 പേര്‍ക്ക് കോവിഡ് പോസിറ്റീവ്്. എട്ട് പേര്‍ക്ക് ആന്റിജന്‍ ടെസ്റ്റിലും, രണ്ട് പേര്‍ക്ക് ആര്‍ടിപിസിആര്‍ ടെസ്്റ്റിലുമാണ് കോവിഡ് പോസ്റ്റീവായത്. അതേസമയം കോവിഡ് പോസിറ്റീവ് സ്ഥിരീകരിക്കുന്നവരുടെ എണ്ണം കൂടിയതോടെ സുല്‍ത്താന്‍ ബത്തേരി ടൗണ്‍ കണ്ടെയ്മെന്റ് സോണായി.
ഇന്നും സുല്‍ത്താന്‍ ബത്തേരിയില്‍ ചെതലയം കുടുംബാരോഗ്യ കേന്ദ്രത്തിനുകീഴില്‍ വിവിധ പ്രദേശങ്ങളിലായി 10 പേര്‍ക്കാണ് കൊവിഡ് 19 പോസിറ്റീവായത്.കഴിഞ്ഞദിവസങ്ങളില്‍ പോസറ്റീവായവരുടെ സമ്പര്‍ക്കപട്ടികലയില്‍ പെടുന്ന 111 പേരെയാണ് ആന്റിജന്‍ പരിശോധനയക്ക് വിധേയമാക്കിയത്. ഇതില്‍ 8 പേര്‍ക്ക് പോസ്റ്റീവായി. കൂടാതെ താലൂക്ക് ആശുപത്രിയില്‍ ആര്‍ടിപിസിആര്‍ ടെസ്റ്റ് ചെയ്ത രണ്ട് പേര്‍ക്കും കൊവിഡ് 19 പോസിറ്റീവായി. ബത്തേരിക്കുപുറമെ ചീരാല്‍ കുടുംബാരോഗ്യ കേന്ദ്രത്തില്‍ നടത്തിയ 73 ആന്റിജന്‍ പരിശോധനയില്‍ ഒരാള്‍ക്കും, ആര്‍ടിപിസിആര്‍ ടെസ്റ്റില്‍ മറ്റൊരാള്‍ക്കും കൊവിഡ് പോസിറ്റീവായി. നിലവില്‍ ബത്തേരി മേഖലയില്‍ കൊവിഡ് സ്ഥീരകരിക്കുന്നവരുടെ എണ്ണം 50ആയി ഉയര്‍ന്നു.
