വാളാട് പ്രദേശത്തെ കോവിഡ് പോസീറ്റീവ് കേസുകളുടെ വ്യാപനത്തില്‍ ആരോഗ്യ വകുപ്പിനും പഞ്ചായത്ത് ഭരണ സമിതിക്കും ഗുരുതരമായ വീഴ്ച്ച സംഭവിച്ചതായി കോണ്‍ഗ്രസ്സ് മാനന്തവാടി ബ്ലോക്ക് കമ്മിറ്റി. ജൂലൈ മാസം 19-ാം തീയതി കോഴിക്കോട് മെഡിക്കല്‍ കോളേജില്‍ വെച്ച് മരണപ്പെട്ട ആളുടെ സംസ്‌കാര ചടങ്ങില്‍ പങ്കെടുത്തവര്‍ക്കാണ് ആദ്യമായി രോഗം റിപ്പോര്‍ട്ട് ചെയ്തത്.മരണപ്പെട്ട ആളുടെ കൂടെ ഉണ്ടായിരുന്നവരെ ടെസ്റ്റിനു വിധേയമാക്കാത്തതാണ് രോഗ വ്യാപനത്തിന് കാരണമായത്. മരണാനന്തര ചടങ്ങുകളില്‍ അടുത്ത് ഇട പഴകിയ ആളുകളെ ക്വാറന്റെയ്ന്‍ ചെയ്ത് ടെസ്റ്റിനു വിധേയമാക്കിയിരുന്നെങ്കില്‍ രോഗ വ്യാപനം തടയാമായിരുന്നു.
