പുല്‍പ്പള്ളി ടൗണിലെ പ്രധാന പാതയോരങ്ങള്‍ ഉദ്യാനമാക്കുന്നതിന്റെ ഭാഗമായി കരിമം – നമ്മുടെ പുല്‍പ്പള്ളി എന്ന ഫെയ്‌സ്ബുക്ക് കൂട്ടായ്മയുടെ നേത്യത്വത്തില്‍ ആരംഭിച്ച പൂച്ചെടികള്‍ നടീലിന്റെ ഉദ്ഘാടനം പുല്‍പ്പള്ളി എസ് ഐ അജീഷ് കുമാര്‍ നിര്‍വഹിച്ചു. പുല്‍പ്പള്ളി താഴെയങ്ങാടി മുതല്‍ എരിയപള്ളി വരെയുള്ള ഒരു കിലോമീറ്റര്‍ ദൂരത്താണ് പൂച്ചെടികള്‍ നട്ടത്. അടുത്ത ഘട്ടത്തില്‍ മുള്ളന്‍കൊല്ലി, ആനപ്പാറ, താന്നിത്തെരുവ് റോഡിലും പൂച്ചെടികള്‍ നട്ട് മനോഹരമാക്കാനുള്ള തയ്യാറെടുപ്പിലാണ് ഫെയ്‌സ്ബുക്ക് കൂട്ടായ്മ അംഗങ്ങള്‍ .ബിജു ജോണ്‍ അധ്യക്ഷനായിരുന്നു.ശരത് കൃഷ്ണന്‍, അബിലാഷ് മേനോന്‍, അഗസ്റ്റിന്‍, സണ്ണി തോമസ് ,അനിഷ രവി തുടങ്ങിയവര്‍ നേതൃത്വം നല്‍കി.
