മധ്യവയസ്‌കനെ ബത്തേരിയിലെ സ്വകാര്യ ലോഡ്ജില്‍ മരിച്ച നിലയില്‍ കണ്ടെത്തി. പാലക്കാട് ആനക്കര സ്വദേശി ഹരിദാസന്‍ (50) നെയാണ് മരിച്ച നിലയില്‍ കണ്ടെത്തിയത്. രാവിലെ ലോഡ്ജ് നടത്തിപ്പുകാരന്‍ വിളിച്ചപ്പോള്‍ വാതില്‍ തുറക്കാതിരുന്നതിനെ തുടര്‍ന്ന് പൊലിസില്‍ വിവരമറിയിക്കുകയായിരുന്നു. പൊലീസെത്തി വാതില്‍ തുറന്ന് മുറി പരിശോധിച്ചപ്പോഴാണ് ഹരിദാസനെ കണ്ടെത്തിയത്. ബത്തേരി പൊലീസ് തുടര്‍ നടപടികള്‍ സ്വീകരിക്കുന്നു.പെയിന്റിംഗ് ജോലി ചെയ്തു വരുകയായിരുന്നു ഹരിദാസന്‍.
