കൊവിഡ് 19 നാലാംഘട്ട ഇളവുകള്‍ പ്രഖ്യാപിച്ചതിനാല്‍ ജില്ലയില്‍ കെഎസ്ആര്‍ടിസി ഇന്ന് മുതല്‍ നിയന്ത്രണ വിധേയമായി സര്‍വീസുകള്‍ ആരംഭിച്ചു. 50 ശതമാനം സീറ്റിംഗ് കപ്പാസിറ്റിയിലാണ് സര്‍വീസ് നടത്തുന്നത്. ജില്ലയ്ക്കുള്ളിലെ വിവിധ ഇടങ്ങളിലേക്കാണ് ആദ്യഘട്ടത്തില്‍ സര്‍വീസ് ആരംഭിച്ചത്. മിനിമം ചാര്‍ജ്ജ് 50 ശതമാനം വര്‍ദ്ധനവോടെയാണ് ഇപ്പോള്‍ സര്‍വീസുകള്‍ ആരംഭിച്ചിട്ടുള്ളത്. 24 പേര്‍ക്കുമാത്രമാണ് ഒരോ സമയം ഒരു ബസില്‍ യാത്ര ചെയ്യാന്‍ സാധിക്കുകയുള്ളൂ. സാമൂഹ്യ അകലം പാലിക്കുക, മാസ്‌ക്ക് ധരിക്കുക, തുടങ്ങിയ രോഗ പ്രതിരോധ സംവിധാനങ്ങള്‍ നിര്‍ബന്ധമാക്കിയിട്ടുണ്ട്. കണ്ടൈന്‍യ്‌മെന്റ് സോണുകളിലെ നിബന്ധനകള്‍ നിലനില്‍ക്കുന്നതിനാല്‍ മാനന്തവാടിയില്‍ ബസ് സര്‍വീസ് ആരംഭിച്ചിട്ടില്ല. സ്വകാര്യ ബസ് സര്‍വീസുകള്‍ ഇതുവരെ ആരംഭിച്ചിട്ടില്ല.ഇപ്പോള്‍ നല്‍കിയിട്ടുള്ള മാനദണ്ഡങ്ങള്‍ അനുസരിച്ച് സര്‍വീസ് നടത്താന്‍ കഴിയില്ലെന്ന നിലപാടിലാണ് സ്വകാര്യ ബസുടമകള്‍
