ഹരിത കേരള മിഷന്റെ ജലസ്രോതസ്സ് സംരക്ഷണ പദ്ധതി ഇനി ഞാന്‍ ഒഴുകട്ടെ നെന്‍മേനി പഞ്ചായത്ത് തല ഉദ്ഘാടനം കണ്ണങ്കാട് സംഘടിപ്പിച്ചു .പഞ്ചായത്തിലെ ഒന്‍പത് വാര്‍ഡുകളിലൂടെ കടന്നുപോകുന്ന കണ്ണങ്കാട് നമ്പിക്കൊല്ലി തോട് ശുചീകരിച്ചു. പഞ്ചായത്ത് പ്രസിഡണ്ട് കെ പി പത്മനാഭന്‍ ഉദ്ഘാടനം ചെയ്തു. വാര്‍ഡ് മെമ്പര്‍ മിനി തോമസ് അധ്യക്ഷയായിരുന്നു. സ്ഥിരംസമിതി അംഗം കെ രാജഗോപാല്‍ പദ്ധതി വിശദീകരിച്ചു.മുനീബ്, സരള ഉണ്ണികൃഷ്ണന്‍ തുടങ്ങിയവര്‍ സംസാരിച്ചു. അയല്‍ക്കൂട്ടങ്ങള്‍, തൊഴിലുറപ്പ് തൊഴിലാളികള്‍ വിവിധ കര്‍ഷക സമിതി അംഗങ്ങള്‍, പൊതുപ്രവര്‍ത്തകര്‍ തുടങ്ങിയവര്‍ യജ്ഞത്തില്‍ പങ്കാളികളായി.
