കാര്‍ഷിക തകര്‍ച്ചയും വന്യമൃഗശല്യവും മൂലം കര്‍ഷകര്‍ പ്രതിസന്ധിയിലായിട്ടും കര്‍ഷകരെ അവഗണിക്കുന്ന നിലപാടാണ് സംസ്ഥാന സര്‍ക്കാര്‍ സ്വീകരിക്കുന്നതെന്ന് ഡി.സി.സി.ഐ പ്രസിഡന്റ് ഐ.സി ബാലകൃഷ്ണന്‍ എം.എല്‍.എ.കടക്കെണിമൂലം കര്‍ഷകര്‍ ആത്മഹത്യ ചെയ്തിട്ടും സര്‍ക്കാര്‍ കര്‍ഷകരെ അവഗണിക്കുകയാണ് ഉണ്ടായതെന്ന് അദ്ദേഹം പറഞ്ഞു. കാലവര്‍ഷക്കെടുതിയില്‍ കൃഷി നശിച്ച കര്‍ഷകര്‍ക്ക് സാമ്പത്തിക സഹായം ഉടന്‍ വിതരണം ചെയ്യുക മേഖലയിലെ വന്യമൃഗശല്യം പരിഹരിക്കുക എന്നീ ആവശ്യം ഉന്നയിച്ച് പാടിച്ചിറ വില്ലേജ് ഓഫീസിന് മുന്നില്‍ യുഡിഎഫ് നടത്തിയ മാര്‍ച്ചും ധര്‍ണ്ണയും ഉദ്ഘാടനം ചെയ്യുകയായിരുന്നു. ഐസി. വര്‍ഗീസ് മുരിയന്‍ കാവില്‍ അദ്ധ്യക്ഷനായിരുന്നു. കെ.പി.സി.സി സെക്രട്ടറി കെ.കെ അബ്രാഹം, കെ.പി.സി.സി എക്‌സിക്യൂട്ടീവ് അംഗം കെ.എല്‍.പൗലോസ്, എം.എ.അസീസ്, അബ്രാഹം കട്ടക്കയം, ശിവരാമന്‍ പാറക്കുഴി തുടങ്ങിയവര്‍ സംസാരിച്ചു
