ജില്ലാ വിദ്യാഭ്യാസ ഉപഡയറക്ടറെ എംഎസ്എഫ് പ്രവര്‍ത്തകര്‍ ഉപരോധിച്ചു.പ്രളയത്തില്‍ തകര്‍ന്ന കുറിച്യാര്‍ മല സ്‌കൂള്‍ കെട്ടിടം പുനര്‍നിര്‍മ്മിക്കാത്തതില്‍ പ്രതിഷേധിച്ചാണ് സമരം. എംഎസ്എഫ് ജില്ലാ പ്രസിഡന്റ് പി.പി ഷൈജല്‍, സംസ്ഥാന ജനറല്‍ സെക്രട്ടറി എം.പി നവാസ് എന്നിവരുടെ നേതൃത്വത്തിലാണ് ജില്ലാ വിദ്യാഭ്യാസ ഉപഡയറക്ടറെ ഉപരോധിച്ചത്. കെട്ടിട പുനര്‍നിര്‍മാണത്തിന് അനുയോജ്യമായ സ്ഥലം കണ്ടെത്താന്‍ എംഎല്‍എ ജില്ലാ പഞ്ചായത്ത് പ്രസിഡന്റ് ജില്ലാ കലക്ടര്‍ തുടങ്ങിയവരുടെ നേതൃത്യത്തില്‍ യോഗം ചേരുമെന്ന ഉറപ്പില്‍ ആണ് ഉപരോധസമരം അവസാനിപ്പിച്ചത്.
