റോഡ് സുരക്ഷ – ജീവന്‍ രക്ഷ” മുപ്പതാമത് ദേശീയ റോഡ് സുരക്ഷാവാരത്തിന് തുടക്കമായി. സുരക്ഷാ വാരത്തിന്റെ ജില്ലാതല ഉദ്ഘാടനം ജില്ലാപഞ്ചായത്ത് പ്രസിഡണ്ട് കെ.ബി നസീമ നിര്‍വഹിച്ചു.ഫെബ്രുവരി പത്ത് വരെയാണ് സുരക്ഷാ വാരം. ഇതിന്റെ ഭാഗമായി ജില്ലയിലുടനീളം വിവിധ ബോധവല്‍ക്കരണ പരിപാടികള്‍ സംഘടിപ്പിച്ചിട്ടുണ്ട്. ജില്ലയിലെ മോട്ടോര്‍ വാഹന വകുപ്പുമായി ബന്ധപ്പെട്ട് പ്രവര്‍ത്തിക്കുന്ന എല്ലാ സംഘടനകളും റോഡ് സുരക്ഷാവാരത്തിന്റെ ഭാഗമാകും.റോഡ് സുരക്ഷാ പ്രവര്‍ത്തനങ്ങളില്‍നിന്നും അപകടരഹിതമായ വയനാടിനെ സൃഷ്ടിക്കുക എന്നതാണ് പ്രധാന ലക്ഷ്യം.ചടങ്ങില്‍ ജില്ലാ കളക്ടര്‍ എ.ആര്‍ അജയകുമാര്‍ അധ്യക്ഷതവഹിച്ചു. ആര്‍ കറുപ്പസാമി ഐ.പി.എസ് മുഖ്യപ്രഭാഷണം നടത്തി.ചടങ്ങില്‍ പ്രമുഖ രാഷ്ട്രീയ സാമൂഹ്യ വ്യക്തിത്വങ്ങള്‍ പങ്കെടുത്തു.
