മുത്തങ്ങ എക്‌സൈസ് ചെക്‌പോസ്റ്റില്‍ വന്‍ കഞ്ചാവ് വേട്ട. വാഹന പരിശോധനക്കിടെ 16 കിലോ കഞ്ചാവുമായി മലപ്പുറം കുറ്റിപ്പുറം നടുവട്ടം മുത്താണിക്കാട് വീട്ടില്‍ മുഹമ്മദ് ഹാരിസ് (34) പിടിയിലായി. ഓഡീഷയില്‍ നിന്ന് ബംഗളൂര് വഴി കേരളത്തിലേക്ക് കടത്തുന്നതിനിടെയാണ് ഇയാള്‍ പിടിയിലായത്. ടൂറിസ്റ്റ് ബസില്‍ യാത്ര ചെയ്യുകയായിരുന്ന ഇയാളെ പരിശോധനക്കിടെയാണ് എക്‌സൈസ് അധികൃതര്‍ പിടികൂടിയത്. ബസ്സിന്റെ ലെഗേജ് ബോക്‌സില്‍ സ്യൂട്ട്‌കേസിലും, ബാഗിലുമായി സൂക്ഷിച്ച നിലയിലാരുന്നു കഞ്ചാവ്. തുടര്‍ നടപടികള്‍ക്കായി സുല്‍ത്താന്‍ ബത്തേരി റെയ്ഞ്ചിന് കൈമാറി. എക്‌സൈസ് സി ഐ ആര്‍ പ്രശാന്തിന്റെ നേതൃത്വത്തില്‍ പി ആര്‍ ഒ മാരായ അബ്ദുള്‍ സലാം, പി വി രജിത്, സി ഇ ഒമാരായ സജിത്, സുധീഷ് എന്നിവര്‍ ചേര്‍ന്നാണ് വാഹന പരിശോധ നടത്തി പ്രതിയേയും കഞ്ചാവും പിടികൂടിയത്.
