കേരളവിഷന്‍ ഹോട്ട് സ്‌പോട്ടിന്റെയും കേരള വിഷന്‍ ആയൂര്‍രക്ഷ സമഗ്ര മെഡിക്ലെയിം ഇന്‍ഷൂറന്‍സ് പദ്ധതിയുടെയും ഉദ്ഘാടനം പ്രതിപക്ഷ നേതാവ് രമേഷ് ചെന്നിത്തല നിര്‍വ്വഹിച്ചു. ഇടുക്കി അടിമാലിയില്‍ നടക്കുന്ന സി.ഒ.എ സംസ്ഥാന കണ്‍വെന്‍ഷന്റെ സമാപന ദിനത്തിലാണ് പരിപാടി നടന്നത്. വന്‍കിട ബ്രോഡ് ബ്രാന്‍ഡ് കമ്പനികളോട് കിടപിടിക്കുന്ന രീതിയില്‍ കേരള വിഷന്‍ ബ്രോഡ് ബ്രാന്‍ഡ് എത്തിയതിന്റെ തെളിവാണ് സംസ്ഥാനത്തെ മുഴുവന്‍ പ്രദേശങ്ങളിലും കേരളാ വിഷന്റെ ഹോട്ട് സ്പോട്ട് ബ്രോഡ് ബ്രാന്‍ഡ് സൗകര്യമെത്തുന്നതെന്നും രമേഷ് ചെന്നിത്തല ചൂണ്ടിക്കാട്ടി. സി.ഒ.എ സംസ്ഥാന പ്രസിഡണ്ട് എം വിജയ കൃഷ്ണന്‍ അധ്യക്ഷനായിരുന്നു.കെ ഗോവിന്ദന്‍, പ്രവീണ്‍ മോഹന്‍ തുടങ്ങിയവര്‍ സംസാരിച്ചു. രണ്ട് ദിവസത്തെ സംസ്ഥാന കണ്‍വെന്‍ഷന്‍ ഇന്ന് സമാപിച്ചു.
