തൃശ്ശിലേരി പന്നിയോട് അണക്കെട്ടില്‍ കുളിക്കാനിറങ്ങിയ മധ്യവയസ്‌ക്കന്‍ മുങ്ങിമരിച്ചു.തിരുനെല്ലി പഞ്ചായത്തിലെ തൃശ്ശിലേരി ചേക്കോട്ടുകോളനിയിലെ നാരായണന്‍(53) ആണ് മരിച്ചത്.ഇന്ന് വൈകീട്ട് 5.30തോടെ ഡാമില്‍ കുളിക്കാനിറങ്ങിയ യുവാക്കള്‍ കരയില്‍ തുണിയിരിക്കുന്നത് ശ്രദ്ധയില്‍പ്പെട്ടതിനെ തുടര്‍ന്ന് നടത്തിയ പരിശോധനയില്‍ ആണ് മൃതദേഹം കണ്ടെത്തിയത്.ഫയര്‍ഫോഴ്സും പോലിസും സ്ഥലത്തെത്തിയാണ് മൃതദേഹം പുറത്തെടുത്തത്.തുടര്‍ നടപടികള്‍ക്ക് ശേഷം മൃതദേഹം വയനാട് മെഡിക്കല്‍ കോളേജ് ആശുപത്രിയിലേക്ക് മാറ്റി.ഭാര്യ:ഉഷ.മക്കള്‍:നന്ദു,നയന,രാഗേഷ്.
