മാനന്തവാടി വികസന സമിതി നിര്‍മ്മിച്ച് നല്‍കുന്ന പ്രളയത്തില്‍ തകര്‍ന്ന 4 വീടുകളുടെ തറക്കല്ലിടല്‍ നടത്തി. മാനന്തവാടി താഴെയങ്ങാടിയില്‍ പ്രളയത്തില്‍ പൂര്‍ണ്ണമായി തകര്‍ന്ന ലളിത, റസാക്ക്, അമ്മാളു അമ്മ എന്നിവരുടെ വീടുകളും തലപ്പുഴയില്‍ തകര്‍ന്ന ജോണിയുടെ വീടുമാണ് മാനന്തവാടി വികസന സമിതിയുടെ നേതൃത്വത്തില്‍ ബാംഗ്ലൂര്‍ ആസ്ഥാനമായ എംഎം വൈ ട്രസ്റ്റിന്റെ സഹകരണത്തോടെ നിര്‍മ്മിച്ച് കൊടുക്കുന്നത്. വീടുകളുടെ തറക്കല്ലിടല്‍ കര്‍മ്മം മാനന്തവാടി ന്യൂമാന്‍സ് കോളേജില്‍ നടന്ന ചടങ്ങില്‍ ഒ.ആര്‍. കേളു എം.എല്‍.എ ഉദ്ഘാടനം ചെയ്തു. മാനന്തവാടി വികസന സമിതി പ്രസിഡണ്ട് ഇ.എം. ശ്രീധരന്‍ അധ്യക്ഷത വഹിച്ചു. സബ് കളക്ടര്‍ എന്‍.എസ്.കെ. ഉമേഷ്, നഗരസഭാ അധ്യക്ഷന്‍ വി.ആര്‍. പ്രവീജ്, ജില്ലാ പഞ്ചായത്ത് വൈസ് പ്രസിഡണ്ട് എ. പ്രഭാകരന്‍, തഹസില്‍ദാര്‍ എന്‍.ഐ. ഷാജു, നഗരസഭാ ഉപാധ്യക്ഷ ശോഭ രാജന്‍, സ്ഥിരം സമിതി അധ്യക്ഷന്‍ പി.ടി. ബിജു, എം ആന്‍ഡ് എം വൈ ട്രസ്റ്റ് ചെയര്‍മാന്‍ വര്‍ഗീസ് പൈനാടത്ത്, നഗരസഭാ കൗണ്‍സിലര്‍ ജേക്കബ് സെബാസ്റ്റ്യന്‍, മാനന്തവാടി ന്യൂമാന്‍സ് കോളേജ് പ്രിന്‍സിപ്പല്‍ ഫാ. മാത്യു മണലില്‍, പ്രസ്സ് ക്ലബ് പ്രസിഡണ്ട് സുരേഷ് തലപ്പുഴ, മാനന്തവാടി വികസന സമിതി സെക്രട്ടറി ബെസി പാറക്കല്‍ എന്നിവര്‍ സംസാരിച്ചു.
