വയനാട്ടിലെ പുത്തുമല ദുരന്ത ബാധിതരായ ആറ് കുടുംബങ്ങള്‍ക്കുള്ള പീപ്പിള്‍സ് ഫൗണ്ടേഷന്റെ പുനരധിവാസ പദ്ധതി പൂര്‍ത്തിയാവുന്നു. മേപ്പാടിക്കടുത്ത് കാപ്പംകൊല്ലിയില്‍ നിര്‍മ്മിക്കുന്ന വീടുകള്‍ക്ക് പുറമെ പ്രളയബാധിതര്‍ക്കായുള്ള എട്ട് വീടുകള്‍ കൂടി വിവിധയിടങ്ങളില്‍ നിര്‍മ്മാണം പൂര്‍ത്തിയായി വരികയാണ്. സര്‍ക്കാറിന്റെ ഹര്‍ഷം പദ്ധതി പ്രകാരം 10 വീടുകളും പീപ്പിള്‍സ് ഫൗണ്ടേഷന്‍ പുത്തുമലക്കാര്‍ക്കായി നിര്‍മ്മിക്കുന്നുണ്ട്.മേപ്പാടി കാപ്പംകൊല്ലിയില്‍ കേലച്ചന്‍തൊടി നഫീസ പീപ്പിള്‍സ് ഫൌണ്ടേഷന് കൈമാറിയ 35 സെന്റ് സ്ഥലത്താണ് പുത്തുമല ദുരന്തബാധിതരായ ആറ് കുടുംബങ്ങള്‍ക്കായുള്ള വീടുകള്‍ ഉയരുന്നത്.
