കറന്നു കൊണ്ടിരിക്കുമ്പോള്‍ കടുവ പശുവിനെ ആക്രമിച്ചു കൊന്നു :കറവക്കാരന്‍ അത്ഭുതകരമായി രക്ഷപ്പെട്ടു
കാട്ടിക്കുളം കോണവയലില്‍ കരിമ്പനക്കല്‍ അപ്പച്ചന്‍ രാവിലെ 6 മണിക്ക് തന്റെ പശുവിനെ കറന്നു കൊണ്ടിരിക്കുമ്പോഴാണ് അപ്രതീക്ഷിതമായി കടുവ പശുവിന്റെ മേല്‍ ചാടി വീണത്. ഓടിമാറിയ അപ്പച്ചന്‍ ് ആല അടിക്കുന്ന ചൂല്‍ തിരിച്ച് പിടിച്ച് കടുവയെ തല്ലുകയായിരുന്നു.ആലയില്‍ വേറെയും നാല് പശുക്കള്‍ ഉണ്ടായിരുന്നതിനാല്‍ പുറത്ത് ഇറങ്ങാന്‍ കഴിഞ്ഞില്ല.അപ്പച്ചന്റെ നിലവിളി കേട്ട ഭാര്യ വല്‍സല നിലവിളിച്ച് ഓടി എത്തിയപ്പോള്‍ കടുവ ആലയുടെ ഒരു ഭാഗം തകര്‍ത്ത് പുറത്ത് ചാടി. തലനാരിഴക്കാണ് അപ്പച്ചന്‍ രക്ഷപ്പെട്ടത്.
