ആരോഗ്യപ്രവര്‍ത്തക ഉള്‍പ്പെടെ 17 പേര്‍ക്ക് ജില്ലയില്‍ ഇന്ന് കോവിഡ് സ്ഥിരീകരിച്ചു.കോവിഡ് ആശുപത്രിയായ മാനന്തവാടി ജില്ലാ ആശുപത്രിയില്‍ ജോലി ചെയ്യുന്ന മുപ്പതുകാരിയായ സ്റ്റാഫ് നഴ്സിനാണ് കോവിഡ് സ്ഥിരീകരിച്ചത്. സമ്പര്‍ക്കത്തിലൂടെ മൂന്ന് പേര്‍ക്ക് രോഗം പിടിപ്പെട്ടു.നല്ലൂര്‍നാട് സ്വദേശിയുടെ പ്രാഥമിക സമ്പര്‍ക്ക പട്ടികയിലുള്ള ആറു വയസ്സുള്ള കുട്ടിയും 25, 22 വയസുള്ള രണ്ട് സ്ത്രീകകള്‍ക്കുമാണ് ഇന്ന് സമ്പര്‍ക്കത്തിലൂടെ രോഗം പകര്‍ന്നത്.ജൂലൈ മൂന്നിന് ഖത്തറില്‍ നിന്നെത്തിയ മാനന്തവാടി സ്വദേശിയായ 32-കാരന്‍, ജൂണ്‍ 30ന് അബുദാബിയില്‍ നിന്ന് വന്ന പടിഞ്ഞാറത്തറ സ്വദേശിയായ 27 കാരന്‍, ജൂലൈ 8 ന് ദുബായില്‍ നിന്ന് വന്ന പുഴമുടി സ്വദേശിയായ 37-കാരന്‍, ജൂലൈ നാലിന് മുംബൈയില്‍ നിന്നെത്തിയ പുല്‍പ്പള്ളി ചെറ്റപ്പാലം സ്വദേശിയായ 32-കാരന്‍, ജൂലൈ ഏഴിന് ബാംഗ്ലൂരില്‍ നിന്ന് വന്ന മേപ്പാടി സ്വദേശിയായ 34-കാരന്‍, ജൂലൈ 12 ന് ഹൈദരാബാദില്‍ നിന്നെത്തിയ അമ്പലവയല്‍ സ്വദേശിയായ 24-കാരന്‍, ജൂലൈ 8 ന് ആന്ധ്രപ്രദേശില്‍ നിന്ന് വന്ന പനമരം സ്വദേശിയായ 30-കാരന്‍, ജൂലൈ 17 ന് ബാംഗ്ലൂരില്‍ നിന്ന് വന്ന മേപ്പാടി സ്വദേശിയായ 31-കാരന്‍, ജൂലൈ 10 ന് ഹൈദരാബാദില്‍ നിന്ന് വന്ന തൃശ്ശിലേരി സ്വദേശിയും ട്രക്ക് ഡ്രൈവറുമായ 48-കാരനും 40 കാരിയായ ഭാര്യയും,അയല്‍ ജില്ലകളില്‍ യാത്ര ചെയ്തു തിരിച്ചു വന്ന തൊണ്ടര്‍നാട് സ്വദേശിയായ 24-കാരന്‍,പേരിയ സ്വദേശിയായ 46 കാരന്‍, കോഴിക്കോട് മെഡിക്കല്‍ കോളജില്‍ ചികിത്സയിലുള്ള തൃക്കൈപ്പറ്റ സ്വദേശി 46 കാരി എന്നിവര്‍ക്കാണ് രോഗം സ്ഥിരീകരിച്ചത്.
