ഡോക്ടേഴ്‌സ് ദിനത്തിന് ആദരവ് അര്‍പ്പിച്ചും, കോവിഡ് അണു വ്യാപനം തടയുന്നതിന് വേണ്ടിയും യൂത്ത് കോണ്‍സ്, കെ.എസ്.യു.പ്രവര്‍ത്തകര്‍ സംയുക്തമായി വടുവഞ്ചാല്‍ ടൗണും പരിസര പ്രദേശങ്ങളും കഴിഞ്ഞ രാത്രി മരുന്ന് തളിച്ച് അണുവിമുക്തമാക്കി. മൂപ്പൈനാട് ഹെല്‍ത്ത് ഇന്‍സ്‌പെക്ടര്‍ ബിജു ഉദ്ഘാടനം നിര്‍വ്വഹിച്ചു. വടുവഞ്ചാല്‍ ടൗണ്‍, ബസ് സ്റ്റാന്റ്, പഞ്ചായത്ത്, വില്ലേജ് ഓഫീസ് പരിസരം, ആരോഗ്യ കേന്ദ്രം എന്നിവിടങ്ങളാണ് ശുചീകരിച്ചത്. ഉദ്ഘാടനച്ചടങ്ങില്‍ കെ.എസ്.യു.സംസ്ഥാന വൈസ് പ്രസിഡന്റ് ജഷീര്‍ പള്ളിവയല്‍ അദ്ധ്യക്ഷനായിരുന്നു.അനീഷ് ദേവസ്യ, കൃഷ്ണന്‍കുട്ടി, സുരേഷ്, ഹരിഹരന്‍ തുടങ്ങിയവര്‍ സംസാരിച്ചു.
