ഭാരതീയ ചികിത്സ വകുപ്പിന്റെ കീഴിലുള്ള പാതിരിച്ചാല്‍ ഗവണ്‍മെന്റ് ആയുര്‍വേദ ആശുപത്രി-ആയൂര്‍രക്ഷാ ക്ലിനിക്ക് ആയൂര്‍ രക്ഷാ ടാസ്‌ക് ഫോഴ്‌സ് ചീഫ് മെഡിക്കല്‍ ഓഫീസര്‍ ഡോ.പി.രാംകുമാറിന്റെ നേതൃത്വത്തില്‍ കൊവിഡ് 19 പ്രതിരോധ പ്രവര്‍ത്തനങ്ങള്‍ നടത്തി. ഇപ്പോള്‍ നടത്തുന്ന അമൃതം പദ്ധതിയില്‍ ക്വാറന്റൈനില്‍ ഇരുന്ന മാനന്തവാടി പോലീസ് സ്റ്റേഷനിലെ പോലീസ് ജീവനക്കാര്‍ക്കും അവരുടെ കുടുംബാംഗങ്ങള്‍ക്കും നിശ്ചയിച്ചിട്ടുള്ള പ്രോട്ടോകോള്‍ അനുസരിച്ച് മൂന്നാം ഘട്ട മരുന്ന് വിതരണം നടത്തി.95 കിറ്റുകളാണ് വിതരണം ചെയ്തത്. ഇതിനുപുറമെ കോവിഡ് ബാധ ഉണ്ടായപ്പോള്‍ ലീവില്‍ നാട്ടില്‍ പോയിരുന്ന ജീവനക്കാരില്‍ തിരികെ ഡ്യൂട്ടിയില്‍ പ്രവേശിച്ചവര്‍ ആവശ്യപ്പെട്ടതനുസരിച്ചു പ്രതിരോധ കിറ്റുകള്‍ അവര്‍ക്കും നല്‍കി.പാതിരിച്ചാല്‍ ആശുപത്രി മെഡിക്കല്‍ ഓഫീസര്‍ ഡോ.ആര്യ,ഡോ. ജിഷ്ണു ജി.നായര്‍,ഫാര്‍മസിസ്റ്റ് സന്തോഷ് ശേഖര്‍,അറ്റന്‍ഡര്‍ അനി എന്നിവര്‍ പരിപാടിയില്‍ പങ്കെടുത്തു.
