കാര്‍ഷിക വികസന കര്‍ഷക ക്ഷേമ വകുപ്പും ആരോഗ്യവകുപ്പും സംയുക്തമായി നടപ്പാക്കുന്ന ജീവനി പദ്ധതിയുടെ മുള്ളന്‍കൊല്ലി പഞ്ചായത്ത് തല ഉദ്ഘാടനം പാടിച്ചിറ പി.എച്ച്.സി. ഓഡിറ്റോറിയത്തില്‍ ഗ്രാമപ്പഞ്ചായത്ത് പ്രസിഡന്റ് ഗിരിജ കൃഷ്ണന്‍ വിവിധ സ്‌കൂളുകളിലെ വിദ്യാര്‍ഥികള്‍ക്ക് പച്ചക്കറി തൈകള്‍ നല്‍കി നിര്‍വഹിച്ചു. വൈസ് പ്രസിഡന്റ് ശിവരാമന്‍ പാറക്കുഴി അധ്യക്ഷനായിരുന്നു. ക്ഷേമകാര്യ സ്ഥിരംസമിതി ചെയര്‍മാന്‍ മുനീര്‍ ആച്ചിക്കുളത്ത്, തോമസ് പാഴൂക്കാല, പി.എ. പ്രകാശന്‍, കൃഷി ഓഫീസര്‍ എം.എസ് അജില്‍, പഞ്ചായത്ത് സെക്രട്ടറി വി.ഒ. അബ്ദുള്ള, കെഎന്‍ സുബ്രമണ്യന്‍ തുടങ്ങിയവര്‍ സംസാരിച്ചു.
