പുല്‍പ്പള്ളി മേഖലയിലെ ക്രൈസ്തവ സഭകളുടെ ഐക്യവും,സ്‌നേഹവും വിളിച്ചോതി പുല്‍പ്പള്ളി വൈഎംസിഎ എക്യുമെനിക്കല്‍ ക്രിസ്മസ് റാലിയും ആഘോഷ പരിപാടികളും നാളെ വൈഎംസിഎ ഹാളില്‍ നടക്കുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ പറഞ്ഞു.നാളെ വൈകിട്ട് 6 മണിക്ക് പുല്‍പ്പള്ളി എസ് റ്റി ജോര്‍ജ് സിംഹാസന കത്തിഡ്രലില്‍ നിന്ന് ആരംഭിക്കുന്ന എക്യുമെനിക്കല്‍ കരോള്‍ റാലി ഓര്‍ത്തഡോകസ് പള്ളി, മലങ്കര കത്തോലിക്കാ പള്ളി, തിരുഹൃദയ ദേവാലയങ്ങള്‍ സന്ദര്‍ശിച്ച് ടൗണ്‍ ചുറ്റി വൈ എം സി എ ഹാളില്‍ എത്തിച്ചേരും. വൈകിട്ട് 7.30 ന് പൊതുസമ്മേളനം രാമചന്ദ്രന്‍ കടന്നപ്പള്ളി ഉല്‍ഘാടനം ചെയ്യും. കോഴിക്കോട് രുപതാ മെത്രാന്‍മാര്‍ വര്‍ഗീസ് ചക്കാലക്കല്‍ മുഖ്യ പ്രഭാഷണം നടത്തും. ക്രിസ്മസ് കരോള്‍ഗാന മത്സരം, ഡാന്‍സ്, മാര്‍ഗംകളി തുടങ്ങി വിവിധ കലാപരിപാടികളും സ്‌നേഹവിരുന്നും ഉണ്ടാകും ഭാരവാഹികളായ എബി പുക്കുമ്പേല്‍, മാത്യു മത്തായി ആതിര,ബെന്നി അമരിക്കാട്ട്, ബാബു പ്രണവം, ബിജു തിണ്ടിയത്ത്, തോമസ് ഒറ്റക്കുന്നേല്‍ എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.
