ഓള്‍ കേരള കാറ്ററേഴ്‌സ് അസോസിയേഷന്‍ വയനാട് ജില്ലാ കമ്മിറ്റിയുടെ നേതൃത്വത്തില്‍ പുതുതായി തിരഞ്ഞെടുത്ത സംസ്ഥാന നേതാക്കള്‍ക്ക് സ്വീകരണവും, മെമ്പര്‍ഷിപ്പ് കാമ്പയിന്റെ ഉദ്ഘാടനവും ഡിസംബര്‍ 10 ന് കല്‍പ്പറ്റ അഫാസ് ഹോട്ടലില്‍ നടത്തുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. അനധികൃതമായി കാറ്ററിംഗ് ചെയ്യുന്ന എല്ലാവരെയും ഫുഡ്‌സേഫ്റ്റി ലൈസന്‍സിന്റെ പരിധിയില്‍ കൊണ്ടുവരുന്നതിനും, 2020 മാര്‍ച്ച് മാസത്തിനുള്ളില്‍ ലൈസന്‍സ് ഇല്ലാതെ കാറ്ററിംഗ് ചെയ്യുന്ന എല്ലാവരെയും ലൈസന്‍സ് എടുപ്പിക്കുകയാണ് ലക്ഷ്യമെന്നും ഭാരവാഹികള്‍ പറഞ്ഞു. വാര്‍ത്താ സമ്മേളനത്തില്‍ പ്രസിഡന്റ് സി.എന്‍ ചന്ദ്രന്‍, സെക്രട്ടറി കെ.സി ജയന്‍, ട്രഷറര്‍ ഹാജാ ഹുസ്സൈന്‍, ജോയിന്റ് സെക്രട്ടറി ഹര്‍ഷല്‍ എന്നിവര്‍ പങ്കെടുത്തു.
